Caner Taslaman

Ji Wîkîpediya, ensîklopediya azad.
Jump to navigation Jump to search
Caner Taslaman

Caner Taslaman, akademîsyen, nivîskar, zanyarê felsefeyê û zanyarê felsefeya dîn û lêkolînerê Quranêtirk e.[1]

Prof. Dr. Caner Taslaman, dibistana seretayî, navînî û ya bilind li bajarê ku lê hatiye dinyayê li Stembolê xwend. Weke kurê dayikek endezyarê kimyayê û bavek bijîşk, ji emrê xwe yê biçûk ve bala xwe da zanistên xwezayê. Beşa Sosyolojiyê ya Zanîngeha Boğaziçiyê qedand. Di ber xwendina zanîngehê re bala xwe da beşên mîna antropolojî, sosyolojiya olê û sosyolojiya zanînê.

Di beşa Felsefe û Ol ya Zanîngeha Marmarayê de bi teza xwe ya li ser "têkiliya Teoriya Big Bang û felsefe û teolojiyê" lîsansa bilind, bi teza xwe ya "têkiliya Teoriya Werarê û felsefe û teolojiyê" asta doktorayê bi dest xist. Dû re, bi pirtûka xwe ya ku li ser "têkiliya Teoriya Quantumê û felsefe û teolojiyê" nivîsandibû, bû doçent û dîsa bi xebatên xwe yên di sêgoşeya zanist-felsefe-ol de giha asta profesoriyê jî.

Her wiha bi xebata xwe ya "Di Pêvajoya Cîhanîbûnê de Îslama li Tirkiyê" doktoraya xwe ya duyem li beşa zanistên siyasî ya Zanîngeha Stembolê qedand.

Cara yekem li Zanîngeha Tokyoyê û paşê jî li Zanîngeha Oxfordê xebatên post-doktora meşand. Di Zanîngeha Harvardê û di Zanîngeha Cambridgeyê de weke akademîsyenê mêvan cî girt.

Di xebatên xwe yên dawîn de û li zanîngehên derveyî welat, herî zêde li ser mijara peywendiya zanista modern-felsefe-ol rawestiya. Li Zanîngeha Teknîk a Yıldız di Beşa Felsefeyê de endamê perwerdehiyê yê profesor e.

Mijarên pêwendiyê: Mijarên ku herî zêde bala wî dikişînin Têkiliya Zanist-Felsefe-Ol, Cîhanîbûn û Îslam, Quran û Zanist, Felsefeya Olê, Felsfeya Zanistê, Felsefeya Fîzîkê û Felsefeya Biyolojiyê ye.

Berhemên Caner Taslaman[biguherîne]

  • Kur'an ve Bilimsel Zihnin İnşası
  • Tanrı Parçacığı
  • Ahlak Felsefe ve Allah
  • Arzulardan Allah’a Ulaşmak
  • Küreselleşme Sürecinde Türkiye’de İslam
  • The Big Bang Philosophy and God
  • Terörün ve Cihadın Retoriği
  • Modern Bilim Felsefe ve Tanrı
  • Big Bang ve Tanrı
  • Allah Felsefe ve Bilim

Çavkanî[biguherîne]

  1. http://www.canertaslaman.com/category/kitaplar/