Hîp-hopa kurdî

Hîp-hopa kurdî beşeke nûjen a muzîka kurdî ye û bandora xwe ji muzîk û binçandeya hîp-hopê girtiye.

Pêkhatina hîp-hopa kurdî

Li gorî çend şîroveyan beşa rapê ya muzîka hîp-hopê hinkî dişibe kevneşopiya dengbêjiya kurdan. Yek ji stranên kurdî ku mirov dikare bibêje wek rap hatiye xwendin strana Şivan Perwer a bi navê Kîne em? e.^{[çavkanî hewce ye]} Gotinên vê stranê ji helbesta Cêgerxwîn pêk tên - û ji xeynî dîsgotinê (naqarat) - weke straneke rapê hatiye xwendin. Lê hîp-hop wek beşeke muzîkê di 21emîn sedsalê de hate damezirandin û lewra hê beşeke pir teze ya muzîka kurdî ye.

Hîp-hop bi weşandina albûma Serhado ya di sala 2007an de wek beşeke kete nava muzîka kurdî^[1] . Wer xuya dike ku hîp-hop di hunera kurdî de êdî cihe xwe yê metîn dîtiye, û ji ber vê yekê serhildaneke dijwar pêk tîne, mîna ku tola xwe ji zext u zoredariyên li ser çand u hunera kurdî hilbide.^[2] Qey lewra ye ku di sedsala 21^em de çend komên nû yên Hip-Hopê hatin damezirandin û albûmên wan hatin belawkirin. Meriv kare bibêje ku yekemîn rapperê kurd ê ku nav û dengê xwe ji gelê kurd re da nasîn Serhado ye. Bi stîla xwe ya rapê hunera kurdî hejand û bi awayeke bêhempa ciwanên kurd di bin tesîra xwe de hişt.

Serhado bi vî awayî bû mînakek ji bo gelek ciwanên kurd ên ku xwe bi muzîka hîp-hopê mijûl dikin û moraleke mezin da wan. Lewra kom û rapperên din derketin holê, mîna Dezz Deniz - ya ku weke yekemîn jina kurd a hîp-hopê tê qebûlkirin û koma Tolhildan, yekemîn koma hîp-hopa binerd (underground). Bi albûma Rêzan Cemal stîlên House û R&B jî ketin nava hîp-hopa kurdî.^{[çavkanî hewce ye]} Dengvedana hîp-hopê zehf xurt bû - hê jî potansiyela wê mezin e û bala li ser hîp-hopa kurdî jî her ku diçe meztir dibe. Wek li hemû cîhanê, hîp-hop ji bo ciwanên kurd bû muzîka şoreşê û hunermendên ciwan bi rêya muzîka xwe êş û birîn, daxwaz û hêviyên ciwanên kurd tînin ziman.

Çend kom û stranbêjên hîp-hopa kurdî

Bi zaravayê kurmancî

Bi zaravayê soranî

Çavkanî

^ cafrande.org: Xewna Jiyan Serhado Hip Hop bi kurdî, dîtin: 24e gulana 2012an
^ Dergush.com: Serhado: Hîp Hop muzîka serhildanê ye ^{Girêdana arşîvê 2016-03-05 li ser Wayback Machine}, dîtin: 24'e gulana 2012'an
^ http://www.youtube.com/watch?v=jWwqeBLhdBI (strana "em kurd in")
^ http://www.youtube.com/watch?v=brTBH28v1Hg (strana "dayê megrî")
^ http://www.youtube.com/watch?v=d4uk9s4uR1E (strana tolhildan)

[1] rande.org: Xewna Jiyan Serhado Hip Hop bi kurdî, dîtin: 24e gulana 2012an

[2] Dergush.com: Serhado: Hîp Hop muzîka serhildanê ye ^{Girêdana arşîvê 2016-03-05 li ser Wayback Machine}, dîtin: 24'e gulana 2012'an

[3] ttp://www.youtube.com/watch?v=jWwqeBLhdBI (strana "em kurd in")

[4] ttp://www.youtube.com/watch?v=brTBH28v1Hg (strana "dayê megrî")

[5] ttp://www.youtube.com/watch?v=d4uk9s4uR1E (strana tolhildan)

[1]

[2]

[3]

[4]

[5]