Ketwarhebînî (siyaset)

Ketwarhebînî anko Ketwarhebîniya siyasî di çarçûvê pêvendiyên navneteweyî da gelek teorî û boçûnan vedigirit, hemî di vê da hevpar in ko welat bi awayekê destpêkanî bi hez û xwestekên leşkirî û aborî û desthilat û tenahiyê dixebitin. Xebata wan ne tiştekê bîrûbaweran an exlaq û sincî ye. Ev coreyê nihêrîn gelek caran hevramana siyaseta desthilatê dihêt hesibandin.

Saloxetên hevpişik

Teoriyên li dor ketwahebîniyê di van saloxetan da hevpişik in:

• Sîstema navneteweyî anarşîst anko belbeşûxwaz e. Welat biryarên xwe bi xwe didin û guhdarî û beremrî jibo Hukmeta Cîhanê nîne.

• welat ên xwedîserwerî lîstikvanên qada siyaseta navneteweyî ne.

• Welat bi tevayî lîstikvanên jîrmend in ko bi awayekê jîrane li pey berjewendiyên xwe yên neteweyî diçin. Reşbîniyek di piştbestinên dirêjdem bi hevalbendiyan ra heye.

• Tiştê ko dikarit berjewendiya neteweyî bin pê bikit ewlehiya neteweyî û mana welatî ye.

• Jibo ewlehiya neteweyî welat jêderên xwe berfireh dikin.

• Tikhiliyên welatan bi hev ra li ser rêjeya desthilata wan ya leşkirî û aborî dimînit.