Sertab Erener

Ji Wîkîpediya, ensîklopediya azad.
Jump to navigation Jump to search
Sertab Erener
Sertab Erener in Eurovision 2004.jpg
Jînenîgarî
Jidayikbûn4ê kanûna pêşîn a 1964an (56 salî)
Stembol
NeteweKurd[çavkanî hewce ye]
Cureyê muzîkêDans, elektronîk, pop, rock
PîşeStrannivîs, hilberînerê muzîkê, mamoste.
Salên çalak1987–niha
Etîketa qeydêTempa, Foneks, İmaj, Sony, Columbia, Epic, Simya, Motéma, DMC, GNL
Malpersertab.com/
biguherîneBelge

Sertab Erener (jdb. 4ê kanûna pêşîn a 1964an li Stembol, Tirkiye) hunermendeke cureyên muzîkî yên pop û rocka bi zimanê tirkî ye. Erener, bi eslê xwe ji bajarê Mûşê ye. Sertab Erener, keça bavekî kurd[çavkanî hewce ye] û dayikekî yûgoslavî ye. Piştî beşdarbûna rojbûna hunermenda tirk Sezen Aksu û li ser daxwaza Sezen Aksu wekî vokalîst dest bi kariyera xwe ya muzîkê kiriye.

Jînenîgarî[biguherîne | çavkaniyê biguherîne]

Sertab Erener, di 4ê kanûna paşîna 1964an de, li Stembolê ji dayik bû û ji du zarokên Nizamettin û Yücel Erener e. Zarokatiya wê li Pierre Loti derbas bû. Dema ku malbata dayika wê li Yugoslavya dijiyan, jiber şerên li wir derket koçê navçeya Ayvalıka Balıkesirê bûn. Diya wê Yücel Erenler, di sala 1957an de li Akademiya Hunerên Bedew perwerdeha wênevaniyê dît, lê dema ku ew zewicî dest ji karê wênesaziyê berda.[1] Aliyê bavê wî ji bajarê Mûşê, ji Bakurê Kurdistanê ye. Dapîra wê xwedî koka ereb bû û ji bajarê Sêrtê ye.[2] Bavê wî Nizamettin Erener, li Amedê ji dayik bûye. Bavê wî Nîzamettîn Erener ji mamosteyê muzîkê Şerîf İçli perwerdeya muzîkê dît û mehekê li Radyoya Stembolê wek solîst xebitî. Her çend di warê muzîkê de jêhatîbûna wî hebe jî wî biryar da ku bibe parêzer.[3] Navê birayê wî yê mezin Serdar bû û wî di zaroktiya xwe de pir bandor li Sertab kir. Sertab bi guhdarkirina stranên muzîka klasîk a tirkî ku ji aliyê bavê wî ve hatine gotin, mezin bû. Bavê wê navê keça xwe, jiber ku wateya wê "ronahiya serî" û ji bo ku wî ji strana "O Şûh-i Sertab" hez dikir, danî Sertab.[4] Piştî dibistana seretayî, wî dibistana navîn a Lîseya Îtalyan bi dest xist, lê piştre biryar da çû Lîseya Işık. Di salên perwerdeya lîseyê bi nexweşiya zerikê ket û 11 saliya xwe de bi nexweşiya kolîta ulseratîv ket. Di demên perwerdehiya lîseyê de ji ber kolîtê li nexweşxaneyan derbas kir.[5] Di sala duyem a lîseyê de wê jiber ku muzîkê re eleqedar dibû, "ji bo ku bibe stranbêjekê operayê" dest bi xwendina Konservatuwara Şaredariya Bajarê Stembolê kir.[6] Li vir, piştî ku demekê beşa stranbêjiyê perwerde dît piştre çû Konservatuwara Dewletê ya Stembolê. Sertab Erener, demek kurt li Zanîngeha Mimar Sinan Beşa Opera û Strana Konserê jî xwend, lê berî ku beşa xwe biqedîne ji dibistanê derket. Wê dixwest ku karê xwe di operayê de bi xwendina muzîka klasîk bidomîne, lê ji ber xwendekariyê nikarî tiştên ku ji operayê hêvî dikir, bidest bixe. Wê wekî solîstê dikê dest bi xebatê muzîkê kir. Di 21 saliya xwe de yekem car zewicî û vê zewacê wê sê sal dewam kir.[2]

Sertab Erener, di sala 1987an de wek solîst beşdarî partiya rojbûna Sezen Aksu bû. Gava Sezen Aksu yekem car Sertab dît wê dengê wî pir eciband û pêşkêşî wî kir ku bibe vokalîstê paşînên li ser dikê. Sertab di destpêkê de ne dixwest bibe vokalîst û wê wiha got: "Sezen Aksu ji min re pêşniyara vokalîstiyê kir. Min ew qebûl nekir. Ji ber ku ez jixwe solîst bûm. Wê vî yekî mîna bûyerek daketinê hîs dikir. Lê divê ji ber vî helwestê karê vokalîstiyê qebûl bikim." Piştre, li ser daxwaza hevalê wê hunermend Levent Yüksel û Sezen Aksu, Sertab Erener qebûl kir ku li kêleka Aksu bibe vokalîstê paşîn a li ser dikê.[1] Sertab Erener di sala 2003an de bi stranekî inglîzî bi navê Everyway That I Can beşdarî Pêşbaziya Muzîkê ya Eurovisionê bû û di vî pêşbaziyê de bi ser ket, li rêza yekem ma.[7]

Dîskografî[biguherîne | çavkaniyê biguherîne]

Fîlmografî[biguherîne | çavkaniyê biguherîne]

Televizyon[biguherîne | çavkaniyê biguherîne]

Sal Bername Rol Nîşe
2002 Ti Show Bi xwe
2011 Star Akademi Bi xwe
2014 Yalan Dünya Bi xwe Beşa 76emîn
Arkadaşım Hoşgeldin Bi xwe
2015 Sesi Çok Güzel Bi xwe
2018 Jet Sosyete Bi xwe Beşa 26emîn
2020 Beşa 59emîn (Fînal)

Xelatên wê[biguherîne | çavkaniyê biguherîne]

Sal Rêxistin Kategorî
1995 1. Xelatên Muzîkê yên Vîdyoya Kral Tv Baştirîn Hunermenda Jin a Pop
2000 6mîn Xelatên Muzîkê yên Video Kral Tv Baştirîn Hunermenda Jin a Pop
Gotina Çêtirîn (Li Dilê Min Bikin)
2001 28emîn Xelatên Butterfly-a Zêrîn Baştirîn Solîsta Jinik a Pop Pop a Tirk
2002 8. Xelatên Muzîkê yên Vîdyoya Kral Tv Baştirîn Hunermenda Jin a Pop
2004 10. Xelatên Muzîkê yên Vîdyoya Kral Tv Strana Salê (Everyway That I Can)
Xelata Rûmetê
2010 14. Xelatên Zêrîn ên Fm-ya Stenbolê (IFA) Baştirîn Hunermenda Jin a Pop
2010 2. Xelatên Cejna Lêkolînê Hunermenda Jin a Bijare
2011 17. Xelatên Muzîkê yên Kral Tv Hunermenda Jin a Baştirîn
2012 39. Xelatên Butterfly-a Zêrîn Baştirîn Solîsta Jin a Muzîka Klasîk a Tirk
2015 1. Dema Govendê. Xelatên Sala-Dawiyê Klîp & Strana Peyama Çêtirîn (Keç Leyla)
2017 14. Xelatên Muzîkê yên Radyoya Boğaziçi Albuma Çêtirîn (Albuma Dilên kenikestî)

Çavkanî[biguherîne | çavkaniyê biguherîne]

  1. a b "Sertab'ın ailesi". www.hurriyet.com.tr (bi tirkî). Roja wergirtinê: 26 gulan 2021.
  2. a b "Dünyanın her yerinde şarkı söylemek istiyorum". web.archive.org. 18 nîsan 2015. Roja wergirtinê: 26 gulan 2021.
  3. ARMAN, Ayşe. "Sertab Erener'in babasına ve hepimizin babalarına". www.hurriyet.com.tr (bi tirkî). Roja wergirtinê: 26 gulan 2021.
  4. "Dünyanın her yerinde şarkı söylemek istiyorum". web.archive.org. 18 nîsan 2015. Roja wergirtinê: 26 gulan 2021.
  5. ARMAN, Ayşe. "Hayatımın bir bölümü abim Serdar'ı kıskanarak geçti". www.hurriyet.com.tr (bi tirkî). Roja wergirtinê: 26 gulan 2021.
  6. "Birinin beni itmesi lazım". www.hurriyet.com.tr (bi tirkî). Roja wergirtinê: 26 gulan 2021.
  7. Sertab Erener – Everyway That I Can (Turkey) Live HD - Eurovision Song Contest 2003 (bi îngilîzî), roja wergirtinê: 26 gulan 2021