Yaqob Tilermenî

Yaqob Tilermenî
biguhêre

Yaqob Tilermenî, nivîskarekî kurd e ku di sala 1972yan de li Qosera Mêrdînê ji dayika xwe bûye.

Tilermenî dibistana Seretayî, Navîn û Lîseyê li Qoserê xwendiye. Li Zanîngeha Dîcleyê, Fakûlteya Perwerdehiyê, Beşa Fizîkê qedandiye. Ji 1995an heta taliya 1998an li Stembolê Mamostetiya Fizîkê kiriye. Dû re li Qoserê Mamostetiya Fen Bilgisi kiriye. Di gulana 2002yan de li gel deh mamosteyan û endazyarekî, bi bahaneya xebatên perwerdekirina kurdî hatiye girtin û mehekê di Girtîgeha Mêrdînê de maye. Piştî serbestmayîn û rizgarbûna Dadgeha Ewlekariya Dewletê (DGM) li karê xwe vegeriyaye û ji hêla Walîtiya Mêrdînê ve sirgûnî bajarê Yozgatê bûye. Weke sirgûn sê salan li gundekî navçeyeke Yozgatê maye. Dû re li bajarê Mersînê heta sala 2017an mamostetî kiriye û bi biryara hikûmetê ji kar hatiye derxistin. Ji ber zextên berpirsiyarên dewletê mecbûr maye ji welatê xwe veqete û li gel malbata xwe li bajarê Lozanê yê bi ser Swîsreyê bi cih bibe. Tilermenî bi helbestvan Dîlber Hêma re zewicandiye û xwediyê du keçan e: Şarezîn û Yezda.

Nivîs û çîrokên wî ji sala 1997an û vir ve di kovarên bi navê Jiyana Rewşen, Pelîn, Kevan, Nûdem, Hîwa, Rewşen-name, Kovara W, Notos, Dünya'nin öyküsü, Tîroj, pêveka Özgür Gündem-Ekgündem, Rojnameya Azadiya Welat, Özgür Politika, Xwebûn û malperên bi navê Mehname, Amûde, Diyarname de hatine weşandin.

Berhem

• Êşbazî, kurteçîrok, Weşanên Sî, 2002
• Bermeqlûb, kurteçîrok, Weşanên Sî, 2003
• Ferhenga Sirgûnê, kurteçîrok, Weşanên Lîs, 2005
• Kitim-Sêbareya Mêrdînê 1, roman, Weşanên Lîs, 2005
• Qerebafon-Sêbareya Mêrdînê 2, roman, Weşanên Do, 2009
• Bavfileh-Sêbareya Mêrdînê 3, roman, Weşanên Do, 2010
• Metamorfoz, kurteçîrok, Weşanên Na, 2012
• Kermêşa Gerok, kurteçîrok, Weşanên Zîbeq, 2012
• Lemi Kermêşa Gerok, çîrokên kurdî/Salnameya 2012-2013-2014an, Weşanên Na, 2013
• Kulîlkên Apê Mûsa, şanonameya zarokan a muzîkalî, Weşanên Zîbeq, 2012
• Danişîna Zimanekî, şanoname, Weşanên Şanoya Şaredariya Mezin a Amedê 2012
• Sergotina Calvino, roman, Weşanên Avesta, 2013
• Hêlange, roman, Weşanên Lîs, 2015
• Pizdank, çîrok, Weşanên Avesta, 2016
• Qerebafon-Sêbareya Mêrdînê 2, roman, Weşanên Avesta/Weşanên Lîs, 2021 (çapa nû)
• Bavfileh-Sêbareya Mêrdînê 3, roman, Weşanên Lîs, 2021 (çapa nû)
• Şevhilat, roman, Weşanên Lîs, 2024
• Moustique Voyageur, roman Jeunesse, Maisond'éditions Vérone, 2024
• Binyat û vegotin: Awireke teorîk li çîrokê, teorî, Weşanên Lîs, 2025

Werger (ji tirkî bo kurdî)

• Rojda, Özcan Karabulut, çîrok, Weşanên Avesta/Weşanên Lîs.
• Cam û Kevir, Şükrü Erbaş, (li gel Dilber Hêma), helbest, Weşanên Avesta/Weşanên Lîs
• Êşbazî/Bêbaran, Hicri Izgören, (li gel Lal Laleş), helbest, Weşanên Avesta/Weşanên Lîs
• Dansa Berber, Sirri Ayhan, roman, Weşanên Avesta/Weşanên Na
• Aso, Fatma Köl, roman, Weşanên Avesta/Weşanên Lîs
• Hal, Sabri Erdem, helbest, Weşanên Name

Girêdanên derve

• Yaqob Tilermenî [arşîv] li ser Ansîklopediya Kurdistanê