Hesenê Qizilcî

Hesenê Qizilcî
Hesenê Qizilcî
Jidayikbûn	15ê tebaxa 1914an; nêzî Mehabadê
Mirin	?ê ?a 1985an; nediyar
Pîşe	Nivîskar
Zimanê nivîsinê	Kurdî
Netewe	Kurd
Şêweyê wejêyî	Çîrok
Berhemên navdar
	Pêkenînî Geda (çîrok, 1984);
	biguhêre

Hesenê Qizilcî, ankû Hesenî Qiziłcî (z. 15ê îlona 1914an - m. 1985^[1]), siyasetmedar û nivîskarekî kurd bû ku di 15ê îlona 1914an de^[2] li gundekî di navbera Bokan û Mehabadê de hatiye dinyayê.

Hesenê Qizilcî di nav malbatek zana de mezin bû. Li ber destê mamê xwe hînî farisî û erebî bû, lê meletî nekir. Piştî avakirina PDKê bû endamê partiyê. Di dema avakirina Komara Mehabadê (1946) Qizilcî sernivîskariya kovara Helale kir û di kovara Kurdistanê de nivîsî. Piştî hilweşandina komarê, derbasî Kurdistana Iraqê bû, li wir bi nihênî jiya.

Kurteçîrokên Hesen Qizilcî di kovarên Bexdayê de, û nemaze di kovara Hîwa (1957-1963)a ku Hafez el-Qadî derdixist, de belav dibin. Piraniya wan bo zimanê erebî tên wergerandin. Di sala 1963an de ji Iraqê derdikeve û diçe Sofyayê, cem malbata xwe. malbata xwe. Li wê derê, bi saya zanîna zimanên bulgarî û rûsî, di Radyo Bulgarîstan de dixebite. Di ber de jî ji kovarên kurdî yên Iraqê re nivîsaran dişîne.^[3]

Bi ketina rejîma Şah re, di 1979an de vegeriya Îranê. Ew endamê Tudeh û berpirsiyarê rojnameya Namêyê Mardom bû. Di sibata 1984an de hat girtin. Li gorî nivîskar Firat Cewerî, ji roja girtina wî û vir de kesî tu xeber jê nestand, kes nizane çi pê hat^[4].

Berhemên wî[biguhêre | çavkaniyê biguhêre]

Pêkenînî Geda. Bexda, 1985^[1].

Çavkanî[biguhêre | çavkaniyê biguhêre]

^ ^a ^b A History of Persian Literature: XVIII (2010). I.B. Tauris & Co Ltd, London û New York.
^ BLAU, Joyce (1985). "Mirina Hesenê Qizilcî" (PDF). Hêvî, Kovara Çandiya Giştî. Hejmar 4: 7 – bi riya Kitêbxaneya Enstîtuya Kurdî ya Parîsê.
^ BLAU, Joyce (1985). "Mirina Hesenê Qizilcî" (PDF). Hêvî, Kovara Çandiya Giştî. Hejmar 4: 9 – bi riya Kitêbxaneya Enstîtuya Kurdî ya Parîsê.
^ Firat Cewerî (2003). Antolojiya çîrokên kurdî (1856-2003). Nûdem-Avesta, Stembol.

[Persian_Literature_2010-1] A History of Persian Literature: XVIII (2010). I.B. Tauris & Co Ltd, London û New York.

[2] BLAU, Joyce (1985). "Mirina Hesenê Qizilcî" (PDF). Hêvî, Kovara Çandiya Giştî. Hejmar 4: 7 – bi riya Kitêbxaneya Enstîtuya Kurdî ya Parîsê.

[3] BLAU, Joyce (1985). "Mirina Hesenê Qizilcî" (PDF). Hêvî, Kovara Çandiya Giştî. Hejmar 4: 9 – bi riya Kitêbxaneya Enstîtuya Kurdî ya Parîsê.

[4] Firat Cewerî (2003). Antolojiya çîrokên kurdî (1856-2003). Nûdem-Avesta, Stembol.

[1]

[2]

[3]

[4]