Firat Cewerî

Firat Cewerî
Firat Cewerî
Jidayikbûn	1959; Balfisê, Dêrika Çiyayê Mazî, Mêrdîn
Pîşe	Nivîskar, wergêr
Zimanê nivîsê	kurdî
Netewe	Kurd
Xelat	Akademiya Swêdî, Wergera edebiyata swêdî bo kurdiyê (2018); Wezareta Rewşenbirî û Lawan a Herêma Kurdistanê, Qelema Zêrîn (2020);
Berhemên navdar
	Kevoka Spî (1992); Payiza dereng (2005); Li mala mîr Celadet Alî Bedir-Xan, (1998);
	biguhêre

Firat Cewerî nivîskarekî kurd e.

Firat Cewerî li sala 1959ê li gundê Balfisê yê li ser bi Dêrika Çiyayê Mazî nêzîkî Mêrdînê hatiye dinyayê. Di salên heftêyan de digel malbata xwe li Nisêbînê bi cîh bû, li 80'an koçberî Swêdê kir û heta niha jî li Swêdê dimîne. Wî berî 80ê dest bi nivîsîna bi kurdî kir. Wî deh salan kovarek bi navê Nûdemê derdixist. Di şaxên cihê de nêzîkî deh pirtûkan nivîsîne û deh–donzdeh pirtûk jî wergerandine zimanê kurdî. Her wisa pirtûkên wî jî ji bo zimanên dî hatine wergerandin. Pirtûka bi navê Kevoka Spî bi farsî jî belav bûye. Payiza Dereng dê bi tirkî jî çap bibe.

Firat Cewerî li 24ê gulanê di kongreya PENa Swêdî de wekî endamê komîteya wê ya nû ya kargêr hat hilbijartin. Ew ji sala 1987ê endamê PENa swêdê ye.

Firat Cewerî amadekarê Antolojiya çîrokên kurdî e. Ji vê pirtûkê çend danasîna çîroknivîsan ji bo vê Wîkîpediyayê bi destûra Firat Cewerî hatin bikaranîn.