Înstîtûta Çanda Kurdî ya Viyanayê

Ji Wîkîpediya, ensîklopediya azad.
Jump to navigation Jump to search
Kurdisches Kulturinstitut Wien
Înstîtûta Çanda Kurdî ya Vîyanayê
Kurdisches Kulturinstitut Wien.png
Damezrandin 2017
Cih
Koordînat 48°11′58″Bk 16°20′45″Rh / 48.1995763°Bk 16.3457779°Rh / 48.1995763; 16.3457779
Rêveber
Hussein Hassan
Malper

Înstîtûta Çanda Kurdî ya Vîyênayê, anku Enstîtûya Çanda Kurdî ya Viyanayê (navê fermî bi almanî: Kurdisches Kulturinstitut Wien), dezgeheke çanda kurdî ya serbixwe ye. Ew di sala 2017an de ji aliyê hin rewşenbîr, hunermend û akademîsyenên kurd ve li welatê Awistiryayê bi armanca parastina kelepûr û zarê kurdî hatiye damezrandin.[1]

Mebestên sereke yên Înstîtûta Çanda Kurdî ya Vîyênayê ew in ku bikare çand, tore, huner û zimanê kurdî bi xelkê awistiryayî bide nasîn û têkiliyan di navbera welatiyên Awistiryayê û kurdan de biafirîne û xurt bike.

Çalakiyên Înstîtûyê[biguherîne | çavkaniyê biguherîne]

Giringtirîn çalakiyên Înstîtûta Kurdî kursên fêrkirina zimanê kurdî ji bo revenda kurdî li Awistiryayê û şagirtên kurd û yên biyanî yên Zanîngeha Vîyênayê ne. Înstîtûta Kurdî kursên zimên bi her du zaravên kurmancî û zazakî pêşkêş dike. Kurmancî û zazakî jî li ser sê astan tên hînkirin. Heta aniha Înstîtûta Kurdî karîbû bi sedan kesî fêrî zimanê kurdî bike.

Ji bilî kursên fêrkirina ziman Înstîtûta Kurdî çalakiyên kultûrî û hunerî jî li dar dixe, wek danasîna pirtûkên kurdî yên nû û birêvebirina guftûgoyan li ser wan. Înstîtûta Kurdî bi mêvandarîya nivîskar, helbestvan, romannivîs û rojnamevanên kurd ve radibe û derfetê ji wan re bi rêya konferans û hevdîtinan re peyda dike, da ku ew berhemên xwe bi kurdên diyasporayê re parve bikin.

Sînemaya kurdî jî cihekî girîng di nav karûbarên Înstîtûta Kurdî de digire. Hin fîlmên kurdî ji alîyê Înstîtûta Kurdî ve hatin pêşandan. Herwiha Înstîtûta Kurdî piştgiriyê dide lîstikvan û derhênerên kurd yên ciwan, yên ku dixwazin bi fîlm û berhemên xwe sînemaya kurdî bi pêş ve bixin.

Her sal Înstîtûta Kurdî aheng û konsêrtan ji bo revenda kurdî li dar dixe, da ku têkilî di navbera mirovên kurd de çêbin û hevgirtinek di navbera malbatên kurd de were avakirin.

Koma Xwendinê ya Vîyênayê jî projeyeke ji nav projeyên Înstîtûta Kurdî ye. Armanca vê komê bipêşxistina xwendinê di nav keç û xortên kurd de li welatê Awistiryayê ye. Herwiha Înstîtûta Kurdî piştgiriya ciwanên kurd dike bo xwendina bilind li zanîngehên Awistiryayê.

Binêre[biguherîne | çavkaniyê biguherîne]

Çavkanî[biguherîne | çavkaniyê biguherîne]

  1. "Kurdish Cultural Institute of Vienna - Kurdisches Kulturinstitut Wien | Anna Lindh Foundation". www.annalindhfoundation.org. Ji orîjînalê di 2020-12-25 de hat arşîvkirin. Roja wergirtinê: 2020-12-24.