Bahramji

Ji Wîkîpediya, ensîklopediya azad.
Jump to navigation Jump to search

Bahramji, anku Behramcî, hunermendekî serbixwe yê kurd e.

Kurtejiyan[biguherîne]

Bahramji di sala 1952'an de li bajarê Kirmaşanê (li rojavayê Kurdistanê, Îran) hatiye dunyayê. Di zarokatiya xwe de melodiyên kevnar ên sufî guhdar dikir û ev yek bû îlham ji boy muzîka wî.

Bi umrê xwe yê 13 salî hînî sentûrê kir û li derên di bajarê xwe de leyst.

Di sala 1977'an de ew ji welatê xwe veqetiya û çû Hindistanê. Li wir geriya û xwend û pistrev li Ewrûpayê bi xwendina xwe berdewam kir.

Wi bi gelek gerokên ji çandên cûda nas kir û bi wan re li ser muzîkê xebitî û bi vî awayî stîla wî ya muzîkê her ku çû cûdatir bû. Îro bi taybetî ji boy nûkirina stranên kevnar binavûdeng e. Bi stranên xwe destmaleke medîtatîv ava dike ji boy hêzdarkirina ruh û canê meriv. Enstrumanê wî yê herî girîng sentûr e. Sentûr amûreke muzîkê ya bitêl e û li derheqê wî tê gotin ku dengê wê dengê valayiyê ye. Herwiha, Bahramji sitar û bilûrê jî lê dixe. Wî pistrev dest bi gotina stranên mîstîk ên Rûmî jî kir.

Navê albûma wî ya yekem “Sama” bû û di sala 1997'an de li Holandê kete weşanê. Piştî ku wî li Hindistanê ji boy demeke dirêj jiyana xwe derbas kir wî di sala 2003'an de mala xwe bara girava Eivissa-Ibizayê (giravên Balear ên Spanyayê) kir. Bi nask irinên hunermendên cûrbicûr wî stîla xwe ya muzîkê pêşxist.

Di sala 2004'an de albûma wî ya bi navê “Call of the Mystic” ku tê de stranên wî hene ku bi gelek hunermendên cûda re kişandiye.

Bahramji ji sala 2003'an pê ve havînan li Eivissa-Ibizayê, zivistanan jî li Hindistanê derbas dike û bi gelek hunermendên hindî kar kiriye.

Dîskografî[biguherîne]

  • Sufiyan (Bahramji & Mashti)
  • Master and Disciple (Bahramjî & Bashir)
  • Sufi Safir (Bahramji & Mashti)
  • Call of the mystic (Bahramji & Maneesh de Moor)
  • Sama (Bahram & Bashir)
  • Sound of Nothingness (Bahram, Bashir & Ben)
  • Inner Opening (Bahram, Bashir & Sirus)
  • Sufi Dance (Bahram, Bashir & Sirus)

Girêdanên derve[biguherîne]