Deverûn
Deverûn, nanê tewikî yê rûnkirî, tewtew, eşîrkî, qetmer, qatmer cure nan û kateyek kurdî ye. Gelên cîran jî çêdikin.
Kilor e yan kate ye?
[biguhêre | çavkaniyê biguhêre]Hin kes deverûnê wekî cureyekê kilorê jî didin nasandin. Kilor, xwarinên an nanên ji pelhevîrkê (şikevayê) tên çêkirine. Heger ew şîrîn bin, dikevin kategoriya şîraniyan.
Rast e mirov dikare ji pelhevîrkê jî deverûnê amade bike. Lê pelhevîrka deverûnê divê stûr be. Ji ber ku pelhevîrka wê stûr e, baştir e mirov wê bixe bin kategoriya kateyan. Wekî şîranî jî qetmer heye, bo mînak qetmera Dîlokê.
Deverûnên navdar ên kurdî
[biguhêre | çavkaniyê biguhêre]- Qetmera Dîlokê
- Qetmera Sêwasê (herwiha Xarpêt, Dêrsim)
- Deverûna Xerzanê (yan deverûna Wanê)
- Deverûna Serhedê (yan deverûna Xinûsê)
- Deverûna Mêrdînê (yan qetmera Mêrdînê)
- Rayoşû meketîp (an eşîrkiya/qetmera Sêrtê)
Berkelî (awayê Gurgum û Meledîyê)
[biguhêre | çavkaniyê biguhêre]- 1 kevçî rûnê ron
- 5 stekan (qedeh) ard (arvan)
- Xwê û av
- Nîvê pakêtê margarîn (rûnê tîr)
- 3 kevçî tehîn
Çêkirin
[biguhêre | çavkaniyê biguhêre]Ardê xwe têxin teştekê, xwê bavêjinê. Nava wê wekî hevîrê vebikin, hêdî hêdî bi av û rûnê ron bistrên. Bû hevîrê nermijî, 15-20 deqe rawestînin.
Girikên xwe amade bikin, bi darikê tîrê (darkilorê) wekî pelhevîrkê vebikin, lê divê pelhevîrka wê stûr be.
Tehîn û rûnê helandî di ser wan pelhevîrkan de bidin, wan bikin wekî rûloyê. Rûloyan badin. Hinekê di sarincokê de rawestînin.
Rûloyên xwe bi darkilorê bêî ku pirr tenik bikin, vebikin. Deverûnên xwe li ser sêlê yan di rûnbirêşka teflonî de bipijînin.
.jpg){kind=small} | Ev gotara têkildarî pêjgeha kurdî şitlekê ye. Heke tu bixwazî berfireh bikî pê li biguhêre bike. (Çawa?) |