Ehmed Zêbarî

Ji Wîkîpediya, ensîklopediya azad.
Jump to navigation Jump to search

Ehmed Zêbarî an jî Ahmed Zêbarî Stranbêjek ê Kurmanc ê şênî yê Mûsilê e. Demekê digel gelek Kurd ên din ji ber sitem a rejîm a Seddamî koçberê Îranê dibe. Ber ê serhildana 1991ê a başûr ê Kurdistanê, hêj dem a ko stranbêj li Îranê bû, di navber a wî û malbatek a Barzanî da problemek û pişt ra xwîndarî derket û neçar bû vegere başûr ê Kurdistanê (Iraqê), û li bajar ê Akrêê şênî bû. Ji ber ko problem a wî bi malbatek a Barzanî ra çêbibû, ji al ê rejîm a Seddamî ve ko tev Kurd ên li Îranê xaîn dihesibandin hat afu kirin (bexşîn). Pişt ê ko serhildan a 1991ê a Kurdan li başûr ê Kurdistanê çêbû, û ew malbat a Barzanî vegeriya Kurdistanê, stranbêj dîsan ji ber wê malbatê reviya û li Musilê şênî bû, ko wî demî hêj di bin kontrol a rejîm a Seddamî da bû. Herçend ko hest a neteweyî a Kurdî a stranbêjî pir bi-hêz be jî, Ji ber sedem a ko her car reviyaye bin desthilat a rejîm a Seddamî, di TV ên başûr ê Kurdistanê ko grêdayî ê partî ên siyasî in, stran ên Ehmed Zêbarî nahên weşandin. Bi tenê çend stranek ên wî di MMC TVê da, a girêdayî ê PKKê ve, dihên nîşan dan. Çend stranek ên wî di Youtubeê da jî hene. Stil a hunermend ê stranbêj klasîk a Kurdî, dengbêjî û stran ên Kurdî ên folklor in. Stranbêj yek ji hunermend ên tilîhejmar (pir hindik) ên başûr ê Kurdistanê e ko hêj kinc ên Kurdî li xwe dike.