Meftuneya bacanê

Ji Wîkîpediya, ensîklopediya azad.
Jump to navigation Jump to search

Meftuneya bacanê ji meftuneyên pêjgeha kurd e. Meftune yan meftûneyê ne tenê kurd dixwin, asûrî, ereb, romî (tirk) jî dizanin û dixwin.

Peyva meftune/meftûne di wateya "dildayînê, dilikî, bengîbûn"ê de ye. Ji bacanê re, bacanreşk, bacanê reş (solanum melongena), badincan, balîcan jî dibêjin.

Berkeliya (melzemeyê) meftuneya bacanê ya Xerzanê[biguherîne]

  • 1 kg goşt
  • 4 serî îsotên dirêj a tûj
  • Xwê (solin)
  • 2 serî sîr
  • 100 gr simaq
  • 1 kg mergeya fringiyê (bacanê sor, pamîsor, şamik, tomatos)
  • 8 heb bacanreşka normal (ne gir, ne jî mezin)
  • 2 KÇ (kevçiyê çayê) îsota pûlpelî (îsota tûj, îsota sor)
  • Li ser daxwazê pirr hindik pûjan (ne mecbûrî ye)

Çêkirin[biguherîne]

Bacanan hûr bikin di teştekê de bixin nava şoravkê. Goşt û îsotên dirêj ên tûj di nava rûn de biqelînin. Bacanreşkê pakij bişon berdin nava goşt. Bi qasî 15-25 deqe (li ser agirê we ye) şûnde fringiyên hûrkirî jî tevlî bikin.

15 deqe keliya, îcar sîra kûtayî û ava simaqê berdin ser. Hûn dikarin sîrê nekutin, hûrik hûrik hûr bikin. Li ser daxwaza we ye. Xwê û biharbêhnê (biharat) kontrol bikin. Xwarina we êdî amade ye.

Gotarên têkildar[biguherîne]