Feratê Dengizî

Feratê Dengizî (navê wî yê fermî Mehmet Aydın Alökmen) nivîskarekî kurd e ku li gor nasnameya li ser di 02.06.1950'an de (lê belê, a rast 30.10.1949 e) li gundê Dengiza yê girêdayî Stewrê ya girêdayî Mêrdînê ji dayik bûye.

Jiyan

Di sala 1971'an de bû mamosteyê matematîkê û demeke dirêj li gelek cihan mamostetî kir.

Ji biçûkatiya xwe de têkilî û hezkirina wî li ser zimanê kurdî hebû. Cara yekemîn di sala 1989'an û ya duyemîn jî di sala 1995'an de ji ber ramanên xwe yên siyasî û bi daraza endamtiya PKK, bi tevahî 10 salan di girtîgehan de ma. Kurteçîrok, helbest û gotaran dinivîse. Gelek pirtûk jî ji tirkî wergerandiye kurmancî, lê hê nehatine çapkirin. Bêhtir hişê wî li ser werger, felsefe û mantika zimên heye. Gotar, helbest û kurteçîrokên wî di malper, kovar û rojnameyan de tên weşandin. Nivîskarê Azadiya Welat û xwedî, berpirsiyar û yek ji edîtorê Kovara W'yê ye.

Berhem

Berhemên ku hatine weşandin

• Zimanê Zimên (cerribandin)
• Tisê (çîrokên gelêrî-berhevkarî)
• Zîzanê (çîrokên gelêrî-berhevkarî)
• Kêzxatûnê (çîrokên gelêrî-berhevkarî)
• Belgeyên Komcivîna Tenduristiyê (werger)
• Bi Heft Dengan Gazî Dikim (Kurteçîrok)

Berhemên neweşandî

Berhemên wî yên ku ji ber sedemên aborî nehatine weşandin jî ev in:

• Zarê Dilî (kurteçîrok)
• Qêrrîna Dilê Min (helbest)

Werger

• Gola Bişeytan
• Enînivîsa Mirovî
• Xwedê Li Tenîşta Nîlê Mir
• Mêrxasê Çaqircayî
• Taxa Gawiran
• Reşo Axa