George Marshall
George Catlett Marshall, Jr. (jdb. 31ê kanûna pêşîn 1880 li Uniontown, Pennsylvania; m. 16ê çiriya pêşîn 1959 li Washington D. C.) yek ji generalên DYAyî bû. Sala 1953î Xelata Nobel a aşitiyê û sala 1959î jî Xelata Karlspreis wergirtiye.
Yek ji navdartirîn leşkerên DYAyî ye. Bi navê Plana Marshall planeke navdar çêdike ku bi armanca ji nû ve avakirin û bipêşxistina Ewropayê hatibû fikirîn û wê di qada navneteweyî de dide pejirandin. Di dema şerê cîhanî yê duyemîn de serokatiya serkaniya artêşa DYAyê dike. Di nava salên 1947-1949î de wezîrtiya derve û di salên 1950-1951î de jî wezîrtiya parastinê dike.
Marshall herwekî alîkariya Tirkiyeyê dike û wê ji aliyê aboriyê ve bipêşdixe. Di avakirin û pejirandina fermî ya navnetweyî ya Îsraîlê de keda wî heye.
Marshall ji bo Kurdistanê xwedî nêrîneke nû nebû. Wî berjewendiyên welatê xwe bi dagirkerên Kurdistanê re didît.