Vezîkul

Ji Wîkîpediya, ensîklopediya azad.
(Ji Peqok (biyolojî) hate beralîkirin)
Here cem: navîgasyon, lêgerîn
Di nav sîtozolê de gelek cureyên vezîkulê heye.

Erk û Pêkhateya Vezîkulê[biguherîne]

Vezîkul navê gelemperi yê kîsikokên nav sîtoplazmayê ye. Piraniya vezîkul bi şilemenî tijî ne û bi parzûna fosfolîpîdê dorpêçî ne. Lê dibe ku hin vezîkul bi hewa tijî be. Vezîkul di nav xaneyê de karê veguhestina madeyan û, dehandina madeyan pêk tîne. Dema xane ekzosîtoz an jî endosîtoz dike, vezîkul çê dike. Ji bilî vê, karekî din a vezîkulê jî di nav xaneyê de enbarkirina xurek û enzîman e.

Curyên Vezîkulê[biguherîne]

Vezîkul li gor erka xwe ya nav xaneyê de bi nav dibe.

Kîsikên hilgir cureyek vezîkule.

Vakuol[biguherîne]

Bi gelemperî xaneyên riwek û ên protîstan vakuolê ji boy enbarkirina avê û xurek bi kar tîne.

Vezîkulên hilgir[biguherîne]

Di nav xaneyê de veguhastina enzîm ,hormon an jî proteîn bi van kîsikan pêk tê. Wekî minak, ji boy çêkirina enzîman, proteîn ji retîkûlûma endoplazmî heta heybera Golgî, di nav kîsikên hilgir dê tê veguhastin. Ji xeynî vê endosîtoz û egzosîtoz jî bi navbeynkariya vezîkulên hilgir pêk tê.

Vezîkulên avzê[biguherîne]

Hormon di nav xaneyê de çê dibe, lê bi vezîkulên avzê ji xaneyê tên derxistin(egzosîtoz). Bermayiyên xaneyê jî bi van vezîkulan ji xaneyê tên avitin.

Lîzozom[biguherîne]

Lîzozom kîsika ji boy dehandina nav xaneyê yê.

Girêdanên derve[biguherîne]