Andrew Jackson

Ji Wîkîpediya, ensîklopediya azad.
Here cem: navîgasyon, lêgerîn
Andrew Jackson, di 78 saliya xwe de
Navîşa (şanenav, îmze) Andrew Jackson

Andrew Jackson (* 15'ê adarê 1767 li Waxhaws; † 8'ê pûşperê 1845 nêzîkê Nashville, Tennessee) ji sala 1829 heya 1837, serokdewletê DYA'yê, yê heftem bû.

Yek ji damezîrênerên Partiya Demokrat (DYA) e. Bi bernavkê „Old Hickory“ (gûzê kokim, gûzê berê) dihat bangkirin. Ji ber ku dema dîl dikeve destê îngilîzan ji aliyê serbazekî îngilîz ve bi şûrê, ji ser-çavê xwe tê birîndar kirin û cîhê birînê her dimîne. Serokdewletekî bibandor bûye. Yekem serokdewlet, ê ji malbateke bijarte nehatiye ye. Roleke mezin di damezirandina saziyên dewletê û danîna normên wê de lîstiye.

Di dema wê de kevnexwediyên Amerîkayê (îndiyanî, çermesor) gelek hatine kujtin. Ji ber wê, ji Jackson re gotine "neyarê îndiyaniyan". Perwerdeyeke kêm dîtiye. Di 18 saliya xwe de dest bi xebatê (li cem parêzerek) kiriye. 1788, dibe sozger. Tevlî meclîsa ku mekezagona federedewleta Tennesseeyê nivîsandiye dibe. 1798, di dadgeha bilind Tennesseeyê de dibe dadger.

Ji ber nakokiyên polîtîk demekê ji siyasetê vedikişe, ji 1805 heya 1812 xanûmanê xwe birêvedibe, cotyariyê dike. Sala 1806'ê di dueloyekê de giran birîndar dibe. Carekê din jî du dueloyê de birîndar dibe ku ev gule ziyanê dide mîdeya wî.

Girêdanên derve[biguherîne]