George W. Bush

George W. Bush
43em serokê DYA'yê
Wezîfedarî 20ê kanûna paşîn a 2001ê – 20ê kanûna paşîn a 2009an
Cîgirserok	Dick Cheney
Berê	Bill Clinton
Paşê	Barack Obama
Jiyan
Jidayikbûn	6ê tîrmeha 1946an (78 salî) New Haven (Connecticut)
Partiya siyasî	Komarparêz (DYA)
Hevjîn	Laura Welch Bush
Zarok	Jenna Bush Hager,
Pîşe	Aborînas, Ramyar
Şanenav
biguhêre

George Walker Bush (jdb. 6ê tîrmeha 1946ê), serokdewletê 43an ê Dewletên Yekbûyî yên Amerîkayê ye ku ji 20ê kanûna paşîn a 2001ê heta 20ê kanûna paşîn a 2009an serokdewlet bû. Ew li sala 2004ê ji bo cara duyê hat hilbijartin û niha gerra wî ya duyê ya serkomarîniyê ye. Berî bibit serkomar, ew ji sala 1995ê heta 2001ê Parêzgarê 46ê yê wîlayeta Teksas bû. Ew endamê Partiya Komarîxwaz e û ji malbateka ji alî yê siyasî ve herî bibandor li DYA ye. Bavê wî George H. W. Bushserokdewletê 41ê yê DYA buye û birayê wî yê biçûktir, Jeb Bush parêzgarê wîlayeta Florîdayê bû.George serkomarê yekê ye ko bawernameyeka Mastera Zanistan di rêvebirinê da heye.

Ew bi Serkomarê Şerî dihêt binavkirin û ji roja dubare hatin hilbijartina xwe heta niha ji ber arîşeyên mîna Şerê dijberî Tirskariyê (Terror), Şerê Azadiya Îraqê, Şerê Efxanistanê, Zîndana Guantanamoyê, Bahoza Katrînayê, Zîndana Ebûxirêbê, û gelek arîşeyên navxweyî û derveyî li ber rexneyan e.

Jînenîgarî

Destpêka jiyanê

Li Nû Hêyvina wîlayeta Connecticut DYA hat dinyayê. Ew kurê mezinê bavê xwe, George H. W. Bush, û dayika xwe Barbarayê bû. Bapîrên wî li sedsala 17ê ji Inglistanê hat bûn DYA. Dema ew hêşta du salî, daybavên wî ji Connecticutê ber bi Teksasê barkir. Ew digel 4 xweşk û birayên xwe; Jeb, Neil, Marvin û Dorothy yê li Houstunê mezin bû. Xwişkeka wî li sala 1953ê li jiyê 13 saliyê bi nexweşiya Şêrpenceya Xirokên Spî yên Xwînê anko losamiy'ê mir. Bapîrê Georgî, Prescott Bush sênator bû û bavê wî jî ji sala 1989ê heta 1993ê serkomar bû. Hindek caran ji ber navê bavê wî, bi şaşî dibêjin Corcî Corc W Bûşê Biçûk. Lê bavê wî George H. W. Bush e, anko "H"ek zêde heye. Jeb, birayê wî du gerran hakimê Florîdayê ye. Bandora malbata Bûşî di siyaseta Partiya Komarîxwaz da berfireh û kevnar e.

Girêdanên derve

 Li Wikimedia Commons medyayên di warê George W. Bush de hene.