Osman Özçelik

Ji Wîkîpediya, ensîklopediya azad.
(Ji Osman Ozçelik hate beralîkirin)
Jump to navigation Jump to search

Osman Ozçelik (bi tirkî: Osman Özçelik) (* 1952 li Dêrika Çiyayê Mazî) siyasetmedarekî kurd û niha parlamenterê Sêrtê yê DTP'ê ye.

Di sala 1952’an de li Dêrika Mêrdînê hate dinyayê. Dibistana seretayî û navîn li Dêrikê û lîse jî li Amedê xwed. Di sala 1975’an de Zankoya Dermanfiroşiyê ya Zanîngeha Stenbolê qedand. Piştî qedandina zankoyê li Stenbolê bi cih bû û dest bi karê dermanfiroşiyê kir. Di vê demê de di desteya rêveber a serokatî û endamtiya Odeya Dermanfiroşan a Stenbolê de kar kir. Ozçelîk di dema xwendekariya xwe de nasbûnî bi siyasetê kiriye û di nav DDKO’yê de cih girtiye. Dema sekreteriya Odeya Dermanfiroşan a Stenbolê dikir di nav damezrînerên HEP’ê de cih girt û serokatiya rêveberiya Stenbolê ya HEP’ê kir.

Piştî ku HEP hat girtin wek endamê damezrîner û cîgirê serokatiya DEP’ê cihê xwe girt. Ozçelîk bi rêzê ve HADEP, DEHAP û DTP’ê de bênavber siyaset kir û di asteke bilind de rayedariya van partiyan jî kiriye. Ozçelik demek dirêj e ku di rojnameya Azadiya Welat de qunciknivîsiyê dike. Li ser helbestvanê kurd Cegerxwîn jî lêkolîneke wî heye û herî dawî li ser romanekê dişixule.

Berhem[biguherîne]

Ozçelik xwedî pirtûka bi navê Kulîlkên Qeşayê ye.

Wekî werger[biguherîne]