Lebatok

Ji Wîkîpediya, ensîklopediya azad.
(Ji Organel hate beralîkirin)
Here cem: navîgasyon, lêgerîn
Nîgara xaneya ajalan û lebatokên di nav sîtoplazmayê

Pekhateyên ku di nav sîtoplazmayê de cih digirin û ji bo xaneyê hin karên taybet dikin, wekî lebatok (organel)tên bi nav kirin. Piraniya karûbarên xaneyê di nav sîtoplazmayê de pêk tê. Bi gelemperî, xaneyên ciwan ên ku metabolîzmayê wan bi lez û bez in, sîtoplazmaya wan jî pir e. Beşa sîtoplazmaya bêlebatok wekî sîtozol tê bi nav kirin. Xaneyên prokaryotî ji bilî rîbozom, tu lebatok nahewînin

Di nav sîtoplazmaya eukaryotiyan de sê kom lebatok heye.

Lebatokên bêparzûnî: Sentrozom û Rîbozom

Lebatokên yekparzûnî: Retîkûlûma endoplazmî, Heybera Golgî, Lîzozom, Vakuol, Vezîkul.

Lebatokên cotparzûnî: Mîtokondrî û Plastîd

Hejmara lebatokên hemû xaneya ne wek hev e. Li gor erka xane û şaneyê dibe ku hejmara hin lebatokên xaneyê ji xaneyên din pirtir be. Wekî mînak, xaneyên masûlke û xaneyên kezebê gelek pêdivi bi ATP tînin, loma di nav sîtoplazmaya van xaneyan de hejmara mîtokondriyê ji xaneyên din ên laşê mirov zêdetir e.

Girêdanên derve[biguherîne]