Kezeb

Kezeba reş a mirovî (bi îngilîzî: liver)

Kezeba mihekê:
1 − Parçeya rast
2 − Parçeya çep
3 − Parçeya dûvî
4 − Parçeya çargoşî
5 − Xwînbera kezebê û derîdemar
6 − Lenfgirêk
7 − Zeravdank

Kezeb, kezeba reş an jî ceger endamek di laşê mirov û ajalên movikdar e. Ew endameke navendî ye bo keristeguhartin (metabolism). Hemî keristeyên (xwirak) ku di rûviyan de tên wergirtin, di kezebê de tên pêvajotin û tiştên jehrî tên vekêşandin.

Cih û pêkhatin

Kezeb li aliya jor rast di zik de, li bin perdaya navbirrê ye. Ew navbara 1500-2000 g giran e. Kezeb ji derve çar parçe xuya dikin:

• Parçeya rast (lobus dexter)
• Parçeya çep (lobus sinster)
• Parçeya çargoşî (lobos quadratus)
• Parçeya dûvî (lobus cautatus)

Parçikên kezebê

li gorra çeqên derîdemarê di hindirrî kezebê 8 parçikên (segment) kezebê hene:

Parçeya çep:

• Segment I –parçeya dûvî
• Segment II – parçika duyem (kêleka jorîn)
• Segment III – parçika sêyem (kêleka jêrîn)
• Segment IV – parçeya çargoşî

Parçeya rast:

• Segment V – parçika pênçem (jêrin pêşî)
• Segment VI – parçika şeşem (jêrin paşî)
• Segment VII – parçika heftem (jorin paşî)
• Segment VIII – parçika heştem (jorin pêşî)

Xwînborriyên kezebê

Bi rêyê du xwînboriyan xwîn dikeve kezebê, xwînbera kezebê û derîdemar ya ku xwîn ji endamên hinavê zik dihêne loma jê re derîxwînhêner jî tê gotin.

Xwîn ji kezebê bi rêyê xwînhênera kezebê derdikeve.