Xwarîn

Xwarîn
کوردی خوارین, Kurdî
Welatên lê tê axaftin	Îran; Îraq
Herêm	Kurdistan
Axiverên zimanê zikmakî	4 milyon heya 6 milyon bi Feylî, Kelhurî û Lekî diaxiwin
Malbata zimanî	Zimanên hind û ewropî Zimanên hind û îranî Zimanên îranî Zimanên îranî yên rojava Zimanên îranî yên bakur-rojava Kurdî Xwarîn; ; ; ; ; ;
Awayên kevn
Kodên zimanî
ISO 639-3	sdh
	Nexşeya Zaraveyên Kurdiya Xwarîn

Xwarîn yan jî Kurdiya başûrî yek ji zaravên zimanê kurdî ye.

Kurdiya xwarîn

Kurdiya Başûrî (Xwarîn) yek ji tayên zimanê Kurdî ye ku zêdetir nêzî Kurdiya Navîn an Soranî ye. Ji ber ku Kurdiya Xwarîn ketiye navbera Farisî, Lurî, Soranî û Goranî (Hewramî) taybetmendiyên xwe hene. Herwiha li gor ol û ayîn jî zêdetir Kurdên Yarsan û şî'e bi devokên Xwarîn diaxvin. Îro zêdetir ji çar milyon kes bi Kurdiya Xwarîn diaxivin.

Devokên kurdiya xwarîn

Kirmaşanî: devoka sereke ya kurdiya jêrîn ku pitir li nav bajar û parêzgeha Kirmaşanê tê bikaranîn.
Kelhurî: pitir li bajarên Xaneqîn û Şabadê û Eywan tê bikaranîn.
Mayani: pitir li bajarên Kengawer û Sehne û Bêston û Esedabad tê bikaranîn.
Lekî: pitir li bajarên Leknişîna Kirmaşan û Luristanê mîna Hersîn û Elişter tê bikaranîn.
Feylî: pitir li Bexda, Îlam, Mendelî û Bedre tê bikaranîn.
Şêxbizinî: kurdên ku çen sed sal berî niha ji derdorên Kirmaşan û Silêmanî hatine veguhastin bo Anatolî û Tirkî û pitir li Heymane dijîn.^{[çavkanî hewce ye]}

Belavbûyîna kurdiya xwarîn

Kurdiya jêrîn bêhtir li parêzgehên Kirmaşan û Îlamê tê axaftin. Li rojhilata Kurdistanê heremên Lekistan li parêzgeha Luristan û Bîcar li parêzgeha Sine jî jêrînaxiv in. Herweha ji Xaneqîn berev jêr de hevsînor digel parêzgehên Kirmaşan û Îlamê kurdiya jêrîn tê bikaranîn. Li Bakûrê Kurdistanê û Tirkyeyê jî li çend deveran devoka şêxbizinî tê axafitin.

Kurdiya xwarîn bi zaravayên kurdî yên din re

Xwarîn	Soranî	Kurmancî	Zazakî	Hewramî
Mi, Min	Min	Ez, Min	Ez	Amin, Min
Ti, To	To	Tu, te	Ti, To	To, Etû, Tû
(Mi) kem	Min dekem	Ez dikim	Ez kenu	Amin/Min mekerû
Mi çim	Min deçim	Ez diçim	Ez Şonu	Min milû
Fire, Firye	Zor	Pir, Gelek, Zaf	Zaf	fira
Wit	Got/Wit	Got	Vat	Wat/vat
Êrenge, Êse, Heême	Êsta	Niha, Vêsta, Nika	Nika	îse
Hat-	Hat-	Hat-	ame-	ame-
Deng	Bang, Deng	Deng	Veng	Deng
Gewra, Qeü, Gep	Gewre	Gewre, Gir, Mezin	Pîl	Gore
Wa	Ba	Ba	Va	Va/Wa
Waran	Baran	Baran	Varan	Waran
Xeraw, Xiraw, Gen	Xirap	Xirab/genî	Xirab	Xiraw

Mijarên têkildar

Xwarîn test sew Wîkîpediyayê di Wikimedia Incubatorê de.

Çavkanî