Ebdurehîm Rehmiyê Hekarî

Evdirehîm Rehmî

Jidayikbûn	1890 Elbak
Mirin	9ê sibata 1958an Stembol
Cihê goristanê	Goristana Şehîdan ya Edirnekapıyê (en)
Hevwelatî	Împeratoriya Osmanî, Tirkiye
Pîşe	Şanonivîs
Zarok	Mustapha Pertev Zapsu (d)
Xizm	Cuneyd Zapsu (en) (neviyê kur)

Ebdurehîm Rehmiyê Hekarî an jî bi navê nasnama wî Abdurrahim Rahmi Zapsu yek ji helbestvan û siyasetmedarekî kurd bû.

Rehmiyê Hekarî di sala 1890an de li bajarê Elbakê hatiye dinê. Ew ji malbatên hekariyan ê Mala Hekariyan de bûye. Wî perwerdehiya xweyê pêşin li Elbakê, pê re jî li Wanê temam kiriye û dest bi Darulmualimînê kiriye. Wî di hevşêwê wextê de ji Seyid Tahayê Arvasî jî dersên olî heldigirtine. Ew demekê mamosteyiyê dike şunda, li Zaningeha Stambolê dest bi xwedênasiyê dike. Wextê ku Şerê cîhanî yê yekem dest pê dike ew teva hêzên Seîdê Nursî dibe û li hembera Rûsan şer dike. Ew di vî şerî de bi birin dibe û wek dîl dikeve destên rûsan. Wextê ku ew li wargehê dîliyê de dimê dersan dide zarokan. Gorî hin gotinan wî di dema dîliyê de du pirtûkên bi tirkî nivisîne û wextê ku serbest dimê jî wan diweşîne. Ew wextê ku ji pê Şoreşa Cotmehê re tê berdan dihere Stembolê û li wir teva Kürt Talebe Cemiyetî û Kürdistan Teali Cemiyeti dibe. Ew di kovara Jînê de helbest û nivisên xwe û piyeseka bi navê Memê Alan diweşîne. Di sala 1919an de be hevalên xwe ve wî berhema Mem û Zîn a Ehmedê Xanî û Dîwana Melayê Cizîrî weşand. Dîsa di wan wextan de kovareke bi navê ehlê sunetê mehê du caran dihat weşandin weşand. Wê kovarê heft salan dewama weşaniyê kir. Wî di 2ê sibata 1958an li Stembolê wefat kir û li pê xwe 25a zêdetir pirtûk hîşt.

Berhemên wî

• Esir Bir Çocuğun Başına Gelenler(Tiştên Hatinî Serê Zarokekî Dîl). Ew di wexta dîliyê xwe de nivisîbû.
• Eqîda Kurda, Êlmêhalekê bi kurdî
• Memê Alan, di hejmerên 15 û 16ên kovarê Jînê de hatibû weşandin.
• Gaziya Welat
• Büyük İslam Tarihi (Dîroka Îslamê yê Mezin)