Dêrsimkî

Dêrsimkî binavkirineke gelê herêma Dêrsimê bo zimanê xwe ye. Gelê Dêrsimê ji zimanê xwe re pirranî dêrsimkî yan kirmanckî dibêje. Herçendî nêzîkê hev bin jî, li Çewlîgê kirdkî yan kirdî, li Sêwrekê dimilkî yan dimilî û li Sêwasê jî ginî tê binavkirin.

Gorî hin kesên li Ewropayê dijîn û çend ronakbîrên îranîst, ev ne zaraveyek lê zimanekî serbixwe ye. Lê pirraniya zimannas û ronakbîrên dimilkî diaxivin wekî zareveyek e yan zimanekî serbixwe yê kurdî bi nav dikin. Hin kes dixwazin binavkirina dersîmkî, kirdkî, kirmanckî û ginî ji holê rabe û bêjeya zazakî were bikaranîn. Tê zanîn ev binavkirineke derveyî ye. Gelê Dersîmê zimanê xwe wekî zazakî qebûl nake û xwe jî wekî zaza bi nav nake.