Biradost (eşîr)

Biradost, eşîreteka kevina kurda ye dikeve ser sêgoşeya Hekarî, Hewlêr û Urmiyê. Eşîra Bradost li aliyê Sîdekan (Hewlêr) ji çar beşan pêk tê: Begzade, Pîresinî, Rewendok û Xwakurkî.

• Begzade: mîr û şêxên eşîrê ji wanin, neviyên mîrê kurdê mêrxas (Emîrxanê Lehpzêrîn)in, mîrê Kela Dimdimê ya navdar, ku di sala 1609-a mîladî de bi ordiyên Şah Ebbas Sefewî re rû bi rû maye. Ew li gundên Micêser, Bêrkime, Qelitan û Lolan (ku Xanqaya Şêx Reşîd Lolan tê de bû) û Deşta Berazgir, Gelîê Bênarê sêgoşeya sinorê de belav bûne.
• Pîresinî : li Sîdekan û derdora wê ji şêniyên herî kevn ên herêmê ne.
• Rewendok: Rewendî li (Deşta Hêrtê), nîvkoçerin ku havînan li zozanên Kêleşînê dmînin.
• Xwakurkî: li herêma Xwakurk dijîn.
• Şêxzade
• Komeke biçûk jî heye bi navê (Muhacir), ku ew koçberên ji êlên Şikak u Gerdi , piştî salên 1915ê ligel Seyîd Tehayê Nehrî û Simkoyê Şikak hatine û li Gundê Jujîle u avahiên nêzîkî navenda Sîdekanê binecih bûne.