Occo Mahabad

Ji Wîkîpediya, ensîklopediya azad.
Jump to navigation Jump to search

Occo Mahabad (z. 1977, li Wanê) helbestvan, bernamenûs, wergêr û nivîskarekî kurd e.

Jînenîgarî[biguherîne]

Occo Mahabad di sala 1977'an de li Wanê hatiye dinê.

Piştî qedandina zanîngeha Stenbolê dest bi nivîsandinê dike.

Her weha di kovarên wekî Çîrûsk, Asiva, Pengav de nivîs û helbestên wî hatine weşandin, dîsa pir malperan de nivîskariyê dike û nivîsên wî hatine weşandin û belavkirin.

Pirtûka wî ya yekemîn Helbestên dînik e. Pirtûk ji Weşanxaneya AVA'yê derketiye.

Ji xêynî helbestan ji bo fîlmên biyanî binnivîsan amede dike. Pir fîlmên biyanî ji aliyê Occo Mahabad ve hatine kurdîkirin.

Bi armanca ji bo gel hunereke bêpere albûmên helbestan çêkiriye,hemû mafên albûman aîdî gel e, albûm li ser înternetê bêpere tên daxistin û guhdarîkirin.

Werger[biguherîne]

Çend fîlmên ku ji aliyê Occo Mahabad ve hatine kurdîkirin

Herwiha, Occo Mahabad bi xebatên xwe yên teknîkî ve jî tê nasîn. Heta niha gellek bernameyên kompîturê ji aliyê wî ve hatiye Kurdîkirin. Ji bo standartîzbûna zimanê teknîkî bi salan e xebatan çêdike. Ji bo fêmkirina jiyana teknîkî e-pirtûkek jî amade kiriye. Pirtûk bi navê Nivîsên Teknîkî li ser malperan tê belavkirin.

Çend bernameyên kompîturê ku ji aliyê Occo Mahabad ve hatine kurdîkirin

Ji bo ku termên kompîtûrê were nasîn xebata Ferhenga Termên Kompîtûrê ji aliyê wî ve hatiye nivîsandin.Ev ferheng wek dosyayeke Pdf li ser malperan bi belaş tê belavkirin.

Berhem[biguherîne]

Occo Mahabad bi helbest, werger, nivîs û gotarên xwe yên cur bi cur jiyana me ya Kurdewarî bi xebatên xwe yên domdar ronî dike.

Albûmên wî
Pirtûkên wî

Girêdanên derve[biguherîne]