Mewlewiyê Kurd

Mewlewî مەولەوی
Peykerekî Mewlewiyê Kurd li bajarê Silêmaniyê.
Navê rastî	Ebdurehîm Mele Seîd Mewlewî Tawagozî
Jidayikbûn	1806 Helebçe
Mirin	1882 (76 Salî)
Esil	Kurd
Hevwelatî	Başûrê Kurdistanê Îraq
Perwerde	Dibistana Baban
Destûrname	Mewlana Xalid
Pîşe	Alim, Fîlozof û Helbestvan
Serdem	Sedsala 19an
Bandorbar	Merûfê Nûdhî
Bandorker	Ebdulkerîmê Muderîs
Dîn	Îslam
biguhêre

Mewlewî Tawegozî an jî Mewlewiyê Kurd (jdb. 1806 - m. 1882), yek ji helbestvan, alimê îslamê û fîlozofê kurd e.

Jiyana Mewlewiyê Kurd

Li herêma Tawegoz a Başûrê Kurdistanê li bajarê Helebçeyê gundê Serşatey Xwarû ji dayîk bûye. Zaroktiya wî gundê Bîcavê yê nêzîkî Helebçeyê derbas bûye. Xwendina Xwe ya ewil li ber bavê xwe kir. Piştî perwerdeya olî û fîlozofî di dibistanên Baban de, dest bi karê wêjeyî dike. Wî helbestên hêja afirandine. Di aliyê fîlozofiyê de riya neqşîbendiyan acotiye.

Berhemên wî

• Eqîdey Merziye, pirtûkeke li ser baweriya Îslamê ye. Bi kurdî hatiye nivîsandin û sê caran çap bûye. Çapa pêşî li Qahîreyê, di sala 1933an de li Tehranê çapa duyem û di 1988an de li Bexdayê bi şîrovekirina berfireh a Ebdulkerîmê Muderîs (Mela Ebdolkarim Modares) ya sêyem hatiye çapkirin. Mewlewî herwiha li ser heman mijarî du pirtûkên din jî nivîsandine.
• El-Fazila, ya bi erebî
• El-Fawatih, a bi farisî.
• Eqîdey Mewlewî, pirtûkeke li ser baweriya Îslamê hatiye nivîsandin. Di sala 1977an de li Bexdayê hatiye çapkirin.
• Dîwana Helbestan, berhema wî ya herî navdar e. Bi zaravayên soranî û hewramî hatiye nivîsandin. Ji aliyê Pîremêrd ve du caran li Silêmaniyê hatiye çapkirin. Ji aliyê nivîskarên kurd ve bi venêrîn û şîroveyan gelek caran hatiye çapkirin.

Galerî

• 
  Parka Mewlewiyê Kurd li bajarê Seqizyê
• 
  Peykerekî Mewlewiyê Kurd li bajarê Sineyê.
• 
  Peykerekî Mewlewiyê Kurd li bajarê Paweyê.

Çavkanî

• Jiyan û xebatên Tawegozî (bi zaravayê soranî)